صباح الفل

كل يوم وانا رايح الشغل ان وانا مروح بعدى على كوبرى 6 اكتوبر العظيم

بقالى كام يوم بشوف حاطين على عواميد الكوبرى العظيم لوح مكتوب عليها

1. نحكم عقلنا نتعلم كلنا.

2. نحكم عقلنا نشرب كلنا.

3. قبل ما نجيب مولود, لازم نتأكد أن حقه علينا موجود.

انا مش عارف اللى فكر فكده ولا اللى كتب اللوح دى متخلف  ولا بيستهل

نحكم قولنا علشان نتعلم ههههههههه امال الواحد هيتعمل برجلة

يعنى على اساس ان المدارس زى الفل وعلى اساس ان المدرسين عندهم ضمير هتقولى العيب كده فى الشعب

هقولك ماهو حاميها حراميها يعنى وزير التعليم لو راجل عندة ضمير ينزل بنفسة يشوف اللى بيحصل مش يقضيها تقارير

وناس تبعتلة من برة sms  يروح مرة واحدة قالب نظام التعيلم الفاشل على اساس انة هيظبطة ماهو كده خربة اكتر عايز يخلى الناس تتعلم بالنظام الامريكى ياعم انت وهما بقالهم سنين شغالين بالنظام المصرى هتيجى تقلب الدنيا مرة واحدة مش تفهم الناس الليلة فيها اية

ولا الكليات

ياعينى على الكليات

اذا كان الناس دلوقت مش عارف تدخل الكليات علشان التنسيق هتيجى انت كمان يقولك لا كمان اللى جايب مجموعة كلية معينة ابن جزمة ملوش حق يدخل الكلية لازم نعملة اختبارات ونطلع عين اهل اللى جابوة وفى الاخر هيقولك اطلع برة يا واطى روح لكلية خاصة وادفع يامعلم

ناس بنت (!)

وال اية نحكم عقولنا علشان نشرب برضة

يعنى انتوا عايزينا منشربش علشان البهوات يشربوا مية معدنية ويعرفوا يستحموا

على اساس ان الشعب خلص المية اللى موجودة

دا انتوا بتشربونا مية من ( )

لو انتوا فعلا بتشربونا مية من النيل كان بقى دة حالنا

والست شيرين تقولك مشربتش من نيلها

ماهو مفيش حد شرب من النيل اللى ادامنا طول النهار دة

هنشرب منة ازاى بس انتى بقالك سنين مشفتهوش ولا اية 

دى مية الترعة انضف هههههههههههه

نيجى بقى للخلفة

نحكم عقولنا ازاى فى الخلفة

انت عارف ان مصر ولادة زى ما بيقولوا انت مفهمتش الكلمة دى ولا اية

ههههههههههه

بقالكوا اكتر من 20 سنة تقولوا تحديد النسل ولما زهقتوا قلتوا تنظيم النسل ههههههه

ياعم انت وهو مفيش نسل اساسا ولا جواز الواحد لو اتجوز هيخلف عيل هيربية منين

ما تقول احسن كلام يدخل المخ

انت بتطلب من المواطن اكتر من طاقتة مش كفاية اللى هو فية

قدملة حاجة كوسة وهو ما هيصدق يلاقى حاجة كويسة انت عملتها وهيديلك اكتر واضعاف

لاكن انت مطلع عين اهلة

مفيش مرتبات

عمال تبيع فى الشركات وتخصخصها

عمال تغلى المعيشة نفسها

عمال تنزل قرارات بنت ستين كلب كل يوم وفى الاخر كمان تطلب منة ميشربش وميتعلمش وكمان ميتجوزش ولا يخلف

زى الفل

عمار يا مصر والله

No Tags