النتيجة هتطلع بكرة ومش عارف اروح اجبها ولا لا

يعنى اخلص واروح اشوفها واخليها على الله ولا استنى شوية
مش عارف
انا هنجح باذن الله بس انا بتخنق اوى من يوم النتيجة دة

No Tags

يسقط بدوي
يسقط كامل
لا للنصب على مستخدمي الإنترنت
لا للإنترنت محدود الباندويدث
لا للإنترنت المحدود الساعات
لا للإنترنت المراقب
لا لتقييد الإتصالات
شركات الإنترنت باعت لنا سرعات وهمية لسنوات
وسكتنا
والآن سيبيعونا الهوا في قزايز

No Tags

فمن هو الصديق الحقيقي وهل يوجد صديق في هذا الزمان ؟..

الصديق الحقيقي : هو الصديق الذي تكون معه , كما تكون وحدك ..
أي هو الإنسان الذي تعتبره بمثابة النفس .

No Tags

اعمل الخير وارمية فى جردل مية وسخة كمان والله

لما تبقى راجل مش بعض الناس لالا دول مش ناس دول بنى ادمين

وزى ما قلتلكم البنى ادمين دول ماهو اصلهم بنى ادمين ولو ماتو يبقى توفوا بالسلامة

والله زى ما بقول كده شوية بشر تعمل خير وتبقى رجولة واصلى وكفأة ومن ناحة اليمين متلاقيش تقدير

والله قالتها ليا لولا ربنا يخليها

قالتلى طنش تعيش وتاكل قراقيش وبسكويت كمان

خليك x ومتبقاش A والله

وزى ما انتوا عارفين اصلا ان X و Y دى علامات انحراف

مش قصدى انحراف يعنى يضيع مستقبلة يعنى لا علامات انحراف فوق وتحت ويمين وشمال وكده

المهم اللى عايز اقولة انة خليك على طبيعتك وارضى عطشك

واللى فية خير ربنا يقدمة ان شاء الله

No Tags

بعد ان اجتمعت الجمعية العمومية في حيينا السعيد قد استقرت علي منح شهادة الايزو 111
وهي تدل علي صلاحية المواطن و تؤهلة لبلوغ العالمية او مقابر الغفير
فعلي من يستوفي الشروط القادم ذكرها التقدم
و علي كل متقدم احضار اصل وصورة من شهادة قرف و نكد وان تكون جعر و ان امكن شهادة استبحس
(الاستبحس عافاكم الله مرض يصيب انثي الخنفسة في حالة طلاقها )
و علي كل متقدم سحب عدد اتنين من قرايبة يكونو قرقانين و كفرانين من العيشة
يشهدو لة بانةجعر و واطي قراري ونكدي و سماوي
ولا مانع من صورة شمسية و اخري بالملابس الداخلية
الافضلية لذوي العاهات العقلية الشروط للحصول علي الايزو

- ان تكون ممن يستطيعو الانتظار في طابور العيش 3 ساعات ثم سك من امامك علي قفاة علشان يخلص

- ان تتميز بمهارات في الجري خلف اتوبيس نقل عام والشعبطة فية دون ان تنقلب علي بوزك و تبقي فرجة في الشارع

- ان يكون مر عليك اكثر من 10 سنوات من تعاطي الفول من دون ان تشتكي من اي مرض نفسي او تلبس بردعة و تنزل تبرطع في شارع بيتكو

- ان تكون من المداومين علي تقليب سجاير ابوك و اتهام الحجة والدتك بتدخينها بجانب شفاط الحمام
- ان تكون ممن يضع فوق سريرة صورة مرسومة باليد لطفل يقضي حاجتة في قصرية و ينظر في بلاهة للرسام
معتقدا ان هو دة قمة الابداع البشري

- ان تكون ممن يقوم بعمل 42 ميسد كول في الدقيقة حتي وان كانت الميسد لسنترال بركة السبع بحجة ان دة مش عذر علشان ميردوش في حين انهم خط مش كرت

- ان تكون ممن يقوم بترية بعض الحشرات المنزلية بشعرك علي سبيل الترفية مع اطلاق اسماء علي بعضها

- ان تكون من معتادي التعطر بريحة الخنفري لانها بركة و لا مانع من مسحة من بواقي صابون بريحة

- ان تكون صاحب معدة وشهية تتقبل اي حاجة و ان كانت قفا حمار بالباشاميل
- ان تكون صاحب ارادة حديدية للوقف امام زوجتك و اخبارها انها شبة ريتا هيوارت بالرغم انها اقرب لاسماعيل ياسين
- ان تكون مقتنعا ايما اقتناع ان جميع الرؤساء العرب يحصلون علي 99,9% في نتائج الانتخابات بالرغم من ان 60% من الشعب قام بالتصويت و عشرين في المائة انتقلو الي الرفيق الاعلي و العشرة في المائة الباقية اطفال

ان تقول نعم في حين ان في امكانك ان تقول لا ولن يتم تعليقك من رجليك و تشريد عيالك و ترميل زوجتك

فياعزيزي المواطن اذا كنت تستوفي جميع الشروط و المهارات
فانصحك ان تتقدم لشغل وظيفة رئيس مراجيح مولد النبي مع الاحتفاظ بحق اللجوء السياسي لأي نجع او كفر في حالة عدم تكيفك مع الوظيفة
والله ولي التوفيق

No Tags

كنت بحب الثيم والله
بس اتخنقت اعمل اية

لقيت الثيم على مليون مدونة واللى يخنقك بقى انك لما تدى الستايل لواحد وتلاقية موزعة على كل الناس
انا عارف انة مجانى
بس لما انت و10 اصحابك حاطين نفس الثيم هتتخنق صح
ايوة صح
علشان كده جريت على طول رحت مغيرة للثيم اللى كان تانى اكثر ترجيع لتركيبة
وانا حاسس انة كلها يومين وهلاقية على نص مدونات شعب مصر
الحل الوحيد بقى ياجدعان انى اعمل ستايل خاص بيا انا وبس
,وربنا يستر دة كمان ميتقلبش من جهازى والاقية برضة فى مدونات نص الشعب

سلام

وابقوا قولوا رايكم فى الثيم الجديد

No Tags

الحمد لله تميت ال 20 سنة
يعنى عدى عقدين وانا عايش
الحمد لله

20 سنة مقسومة مليون حتة
انا مش هتكلم على اول 15 سنة فيهم

No Tags