ياجماعة

انا مش بحب اللى ميعرفش حاجة

وسورى كمان حمار فيها

يعد يفتى ويقول غلط صح خربان بايظ بس مش خربان حاجة تانية :

المهم مش بحب اللى بيتكلم وهو مش عارف بيتكلم عن اية

انا مش عارف بكتب الموضوع دة لية فاضى يمكن مخنوق يمكن

اى حاجة

المهم انى كتبتة

سلالام :

No Tags

طبعاً دى اغنيه شهيرة جداً لواحد معرفوش.. عشان محدش يفهمنى غلط ..

بس فعلاً اليومين دول لو لاحظتم انه فى حاجات كتير ماشية بمبدأ اديك تقول ما اخدتش ..

اااااه ربنا يعين ..

متضايق ومافيش حاجة فى دماغى عشان ادونها ..

رغم ان الأحداث كتير .. بس حاسس بشلل فى نافوخى ..

طبعاً على رأي عادل امام ..

المخ فيه 4 سلهابيس ..

2 مصرى واتنين تايوانى ..

بتوع تايوان واحد بيدى كهربا والتانى بيدى مغماطيس ..
المصرى واحد بيدى عسل والتانى بيدى طحينة ..

الكهربا والمغماطيس مع العسل والطحينة بيعملوا انشكاح فى البلؤلؤ ..

وانت ماشى اول ما تشوف حمار تقول عليه ” اخويا .. اخويا .. ”

ودا بسبب اننا ماشاء الله بنسكت على حقوقنا ..

اوعى تفكرونى بشتمكم ولا حاجة ..

بالعكس ..

على فكرة الحمار كائن زكى جداً جداً .. وبييجى فى وقت بيحرن وما بيكملش مسيرته لما يحس ان صاحبه ظلمه ..

وصاحبه بيضربه لما بيحرن ..

احنا كمان لما بنحس ان اصحابنا ظلمونا ” الحكومة ” بنحرن .. بس بيدونا على دماغنا اكتر ..

فبنرجع تانى نقول اسفين وبنقدم فروض الطاعة ..

عشان كدا فعلاً ..

أديك تقول ما اخدتش ..

No Tags

<< اللى بنى بنى مصر .. كان فى الأصل حلوانى .. وعشان كدا مصر ياولاد .. مصر ياولاد .. حلوة الحلوات .. >>انا عرفت معنى الأغنية دى فعلاً الأيام دى ..

يعنى لما بناها خلى الهريسة فيها كتير جداً .. والمحسوبيات ما اكثرها ..
وكمان جابلنا سد الحنك عشان ما ننطقش بحقوقنا ..
لا وعملنا جدرانها من الحديد “المشبك” ..
وجابلنا “الكريمة” عشان زحلقة الناس اللى بتخدم الشعب بجد ..
ولو اخدت بالك ان فى الدبيحة دايماً “حلويات ”
ولقمة القاضى .. ودى بقى خلصت اليومين اللى فاتوا والقضاه بقوا ياكلوا عيش حاف ..
وعين الجمل .. عشان نخمس بيها دايماً فى وش الحسود ..
وبلح الشام .. يوم فى ايدك ويوم فى ايدك التانية ..
اما شرم الشيخ فعملها زى البسبوسة .. ماليانة حاجات حلوة ..
وقاهرة المعز .. كانت حته القشطة والكريم اللى زين بيها مصر ..
وراس التاج .. الأسكندرية قطعة الكريز ..

وإلى هنا انتهى من اى حاجة ..

” للعلم انا مش مجمع انا كتبت اللى فوق دا ازاى .. فأعذرونى “

No Tags